රාත්‍රීයේ සද එලියට දිදුලන – සීගිරිය
සීගිරිය මුදුනේ බොහෝ තැන් නිමවනලෙස අතුරා තිබෙන්නේ චන්ද්‍ර කාන්ති පාෂාණ..ඒනිසා සීගිරියට ඉහලින් පායන හඳට පුළුවන් රාත්‍රියේ මුළු සීගිරිය ම බබලවන්න…ඒ අත්දැකීම සියැසින් දකින්න ඔබට බොහෝ විට අවස්ථාවක් නොලැබේවි.එනිසා මගේ නෙත් පින් කළ ඒ දසුන් ඔබගේත් දරුවන්ගේත් දැක ගැනීම පිණිස ඔබ වෙත එවමි..
( seven days in Sigiriya with prof. Raj somadewa )
ප.ලි.
සීගිරියට පෙම් බඳින ඇතමෙකු මෙම දර්ශනය දැකීමෙන් එය සීගිරියේ ආරක්ෂාවට යම් තර්ජනයක් වේ යැයි අනිසි බියක් ඇති කරගනු ඇති. නමුදු ” සඳකත් මිණ, Moonstrone ,පූනක්කන් ” යන නාමයන්ගෙන් හඳුන්වන මෙම පාෂාණය එතරම් දුර්ලභ හෝ මිල අධික පාෂාණයක් නොවන බව දන්වමි. මැණික් පතල් ආශ්‍රිත බොහෝ ප්‍රදේශවලින් අද ද මෙය සොයා ගත හැකි පාෂාණ විශේෂයකි.
එනිසා අප මෙහි අවධානය යොමු කළ යුත්තේ ලංකාවේ අතීත නිර්මාණ කෙතරම් කලාත්මක වූවා ද යන්න පමණි.එදා මෙදාතුර ගෙවුණු කාලය පුරාවට අපි කෙතරම් වටිනාකම් උපයාගත්තේ ද යන්න සිතීම පමණි.
මන්ද උරුමය යනු කළු තිරයකින් වසා රැක ගත යුතු දෙයක් නොවන බවත් ඒ තුළින් ජාතියක් ලෙස නැගී සිට එය සංරක්ෂණය කිරීමට කටයුතු කළයුතු බවත් මා තරයේ විශ්වාස කරන නිසාවෙනි.
මෙය මා හට තනිව කළ නොහැකි වනු ඇති.නමුදු අප සියල්ලන් ම එක් වූ කළ මෙය සිහිනයක් නොවෙනු ඇත.
චායාරූප සහ ලිපිය උපුටාගැනීම සිදුකලේ Eranda Gunasekara මහතාගෙන් 
